МПЦ-ОА апелира за мир и договор за надминување на кризата
Македонската православна црква во однос на случувањата во змејата повика на воздржување од дејства кои ја загрозуваат државната, безбедноста на луѓето, а до политичарите, партиите и институциите апелира да го покажат своето родољубие и конечно да се договорат во духот на правдољубието за доброто на сите.
- Во деновите на Велигденскиот пост, периодот кој од Бога е даден за особено стекнување на добродетелите што треба да го красат секој човек, а за отргнување од лоши дела и постапки, Македонската православна црква повикува на смирение, добра волја и меѓусебна љубов. Повикува на воздржување од дејства кои ја загрозуваат државната, но и безбедноста на луѓето, на домот, на семејството, на сите воопшто. Апелираме до политичарите, партиите и институциите да го покажат своето родољубие и човекољубие и да ја оправдаат дадената доверба. Крајно време е да се договорат во духот на правдољубието за доброто на сите! А тоа најдобро ќе го направат во мир и со покајание, со барање и давање прошка, со искрено подавање рака – онака како што им доликува на вистински браќа, се посочува во соопштението од МПЦ-ОА.
Воедно се посочува дека оваа прилика е историска можност да покажеме дека навистина ја сакаме слободата и нашата татковина Македонија.
- Со жалење мораме да констатираме дека сите сме жртви на туѓи желби и на интересите на малкумина. Нам секогаш ни се случува тоа – нашето неединство да се употребува против нас самите! Како најмногу да размислуваме на тоа - како да му се наштети на оној што поинаку мисли! И оваа прилика е историска можност да покажеме дека навистина ја сакаме слободата и нашата татковина Македонија - платени со бројните жртви на нашите предци, кои во аманет ни ги предадоа да ги чуваме не само за нас, но и за следните генерации. Не смееме да дозволиме државата, нашиот заеднички простор, да стане сопственост на оние чии интереси се судруваат на улиците, во институциите, низ населените места, како што се случуваше при вчерашните настани, се вели во соопштението на МПЦ-ОА.
Само така, сплотени и единствени, достојно ќе го дочекаме најголемиот христијански празник – Велигден, порачуваат од МПЦ-ОА.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка