Москва ја осудува „грубата и недипломатска реторика“ на САД и Британија кон Русија
Официјална Москва денеска ја осуди и ја отфрли, како неприфатлива „грубата и недипломатска реторика“ на амбасадорите на САД и на Велика Британија во ОН, во расправата во Советот за безбедност за Сирија.
Портпаролот на Кремљ, Дмитри Песков изјави дека грубите напади кон Русија и острата реторика на американскиот и британскиот постојан претставник во ОН, е целосно неприфатлива. Тој предупреди дека тоа може да им наштети на напорите за завршување на петгодишната граѓанска војна во Сирија.
Американскиот амбасадор Саманта Пауер , во дебатата за најновите случувања околу Алепо изјави дека она што сега го прави Русија во Алепо „не е борба со тероризмот, туку варваризам„.
Таа и британскиот амбасадор Метју Рајкрофт ја обвинија Москва за „лажење„ кога станува збор за руското негирање на обвинувањата за учество на Русија во офанзивата на сириската армија против исламистите.
САД, Британија и Франција кои ги подржуваат исламистичките анти-Асад бунтовници ја обвинуваат Русија дека е директно вклучена во сегашните борби.
Рускиот амбасадор Виталиј Чуркин кој минатата недела имаше остра расправија со Пауер, ги обвини Американците и нивните сојузници дека не се дистанцираат од терористичката група Џабхат Фатах ал Шами, која е тесно поврзана со мрежата на Ал Каеда.
Москва обвинува дека секое примирје во Сирија, терористите го користат за прегрупирање на своите сили, за обнова на оружјето и муницијата, како и за подготовки за нова офанзива.
Ново на Сител
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара