Монструозно злосторство во Србија: Убиените биле мачени и фрлени во септичка јама
Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во белградската населба Сурчин. Според српските медиуми, полицијата разговара со Драгослав Јовановиќ, кој минатата недела пукаше во својата сопруга, а потоа во себеси по што, по неколку дека, им подлегна на повредите.
Како што пишува „Вечерње новости“, Јовановиќ е осомничен дека ги убил и трите лица чии тела се најдени во септичката јама. Како што пишува српскиот весник, станува збор за бизнис-соработникот на Јовановиќ, 42-годишниот Ш. Н., неговата 75-годишна мајка Ш. Д. и 80-годишната тетка П. М. Убиецот, наводно, пред да ги убие се изживувал врз нив.
Како што дознава „Блиц“, околу вратот на убиената 75-годишна жена имало врвка, која на другиот крај била врзана за бетонски блок.
Трите лица исчезнале на 10 јуни. Драгослав Јовановиќ истата вечер на 10 јуни, по тројното убиство на друга локација, пукаше во својата сопруга и ја погоди со три куршуми во градите, а потоа си пукаше во главата. Исчезнувањето на трите лица во полицијата ги пријавил неговиот татко, кој изјавил дека се сомнева дека се убиени од синот.
„Телата во лоша состојба се извлечени од водата. На нив се гледаат знаци на насилна смрт. Обдукцијата ќе покаже кога се убиени и со каков предмет“, изјавил извор близок до истрагата за српски „Телеграф“.
Според истрагата, Јовановиќ наводно ја повикал помошничката од својата пералница, ѝ рекол дека има посебна задача за неа и дека добро ќе ја плати, но дека ќе мора да молчи. Жената потоа раскажала дека во неговото „бмв x5“ имало траги од крв. Во меѓувреме бил пронајден телефонот на исчезнатиот Ш. Н. Се испитуваат мотивите, а не се исклучени и нерасчистените сметки во врска со работата што ја водел Јовановиќ.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот