Македонија
13. May 2019 - 16:18

МОН воведува нови наставни содржини за музичко образование

Од 6 до 9 одделение основците ќе учат за музичката култура од етничката заедница на која припаѓаат но ќе се запознаваат и песните и традицијата на останатите заедници.  Новите наставни програми по музичко според министерот за образование ќе го унапредат концептот за мултикултурализам и почитување на различностите. Програмата е веќе усвоена и ќе почне да се применува следната учебна година. Мотивот за измени во овој предет според Адеми се старите и не разбирливи учебници кои биле одбивани и не се применувале во училиштата.

 Секој ученик ќе ја изучува културата и традицијата во областа на музиката на својата заедница, но ќе има можност да ја изучува и музичката култура и традиција на сограѓаните од другите етнички заедници, преку слушање и обработка на песни и композиции, како и запознавање со инструментите и другите обележја на тие заедници – Програмите нудат лесно разбирлив јазик, односно материја која едноставно ќе биде совладана од страна на учениците, согласно нивната возраст, а со цел да добијат информации за основите на музичката уметност, за музичките инструменти, да ги доживеат во целост музичките дела и да се едуцираат и информираат за обележјата на етничките заедници кои живеаат на територијата на нашата земја, а се поврзани со нивната музичка култура и традиција – истакна министерот за образование и наука.

Заменикот Атанасовски најави нова владина стратегија која ќе ги опфати сите ученици. 

Од минатата година  корегирани се 22 учебници. Од 2018 има нови наставни програми а новиот закон за основно образование министерот Адеми  се надева ќе биде донесен до септември иако според него е поважна содржината на текстот отколку да се брза со нова регулатива.