Мон Блан „се стопи“ за еден сантиметар за две години
На изглед Мон Блан останува ист, но сепак, најновите мерења покажуваат дека тој е понизок за еден сантиметар од пред две години, јави дописникот на МИА од Париз.
Според координаторот на експедицијата за мерење во 2017 година, геодетот Никола Корние, последните мерења покажуваат дека „покривот на Европа“ е висок 4808,72 метри.
- Мерењето е извршено вчера наутро во прилично сложени метеоролошки услови, со многу ветер и магла, по искачувањето на Мон Блан на нормален начин, изјави денеска Корние.
Дваесетте членови на експедицијата не успеаја сите да пристигнат до врвот, но техничките уреди беа однесени и монтирани за мерења малку побрзо од вообичаеното, за да си дадеме шанса да се спуштиме од врвот побрзо, објасни тој.
Надморската височина на највисоката точка на Алпите варира со ветрот и врнежите. Колку се посилни врнежите и колку е послаб ветрот, толку е поголем снегот, зголемувајќи го мразот што го покрива карпестиот врв.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април