Могерини: Оптимист сум за европската иднина на Србија
Високата претставничка на ЕУ за надворешна политика и безбедност Федерика Могерини денеска изјави дека е опимистка околу европската иднина на Србија, додавајќи дека земјата во соработка со Брисел, може уште побрзо да напредува на патот кон ЕУ.
– Оптимист сум кога станува збор за европската иднина на Србија и верувам дека со заедничка работа Србија може да напредува уште побрзо, нагласи Могерини на заедничката прес-конференција со српската премиерка Ана Брнабиќ, одржана по состанокот на Советот за стабилизација и асоцијација меѓу Србија и ЕУ.
Могерини нагласи дека процесот на придружување на Србија кон ЕУ зависи од спроведувањето на неопходните реформи, изразувајќи уверување за натамошен напредок во клучните области, како владеењето на правото, независноста на судството и слободата на говорот.
Таа потенцираше дека еден од клучните елементи за Србија при напредокот во приближувањето кон ЕУ е и нормализација на односите со Косово.
Могерини уште еднаш повтори дека царините за увоз на стоки од Србија и Босна и Херцеговина што ги воведе Косово се во спротивност со ЦЕФТА и Договорот за стабилизација и асоцијација и ја повика Приштина да ја повлече таа мерка.
Ново на Сител
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник