Могерини: ЕУ бара имплеметација на договорите меѓу Косово и Србија
Високата претставничка на ЕУ за надворешна политика и безбедност Федерика Могерини синоќа повика на целосна имплементација на договорите што во Брисел ги постигнаа Белград и Приштина, нагласувајќи дека тие треба да бидат целосно спроведени за доброто на двете страни.
- Подобрување на косовско-српските односи е неопходно, за двете држави да може да ја продолжат нивната европска перспектива, изјави Могерини на средба со косовскиот претседател Хашим Тачи во Брисел.
Како што јави онлај изданието на приштинскиот весник „Експрес“, Тачи и Могерини разговарале околу последните случувања во односите ЕУ-Косово и за напредокот постигнат последниот месец.
За време на средбата соговорниците се согласиле дека е потребно да продолжи имплеметацијата на Спогодбата за стабилизација и асоциација, прв договор постигнат меѓу Косово и ЕУ, и оти тоа е решавачко бидејќи ќе му помогне на Косово да ја подобри социо-економска состојба.
Могерини и Тачи го поздравиле продолжувањето на мандатот на ЕУЛЕСК од страна на косовскиот Парламент, а разговарале и околу либерализацијата на визите за граѓаните на Косово, која зависи од исполнувањето на условите што и се поставени на Приштина.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите