Модриќ: Никој ништо не ми подарил, сè е постигнато со многу труд
Оваа година е одлична за Лука Модриќ. Тој беше прогласен за најдобар играч на УЕФА, ја доби наградата на ФИФА за „Најдобар“ и ја освои „Златната топка“ на „Франс Фудбал“. На тимско ниво, халфот на Реал Мадрид го крена трофејот во Лигата на шампионите (за трета година по ред) и ја поведе Хрватска во финалето на Светското првенство во Русија (загуби од Франција со 2:4).
– Патот беше долг и тежок, но токму затоа сум многу среќен со она што се случи. Сите признанија – „Најдобар играч“ на ФИФА и „Златна топка“, имаат поголема вредност кога знаеш дека никој ништо не ти подарил. На мене ништо никој не ми подарил, сè е постигнато со многу труд, изјави Модриќ пред „ЏиКју“, чие лице ќе се најде на следната насловна страница на американското списание.
Тој додаде дека му е мило што конечно луѓето признале што постигнал во текот на целата кариера.
– Иако навистина освоив многу работи, „Златната топка“ е нешто што не сум ни замислувал. За мене фудбалот не е само голови, голови, голови, заклучи 33-годишниот фудбалер.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж