МНТ одбележува 74 години постоење
Македонскиот народен театар денеска со изложба ќе одбележи 74 години постоење. Изложбата е насловена „Од текст до претстава: македонски драми на сцената на МНТ“ и ќе ги опфати авторите од различни генерации чии дела биле изведени во МНТ.
Националниот театар од самите почетоци поставува дела од македонски автори – „Чорбаџи Теодос“ од Васил Иљоски била третата премиера поставена на 16 август 1945 година. Досега МНТ имал 400 поставени или обновени претстави, а повеќе од сто се дела од македонски автори од различни генерации, како Војдан Чернодрински, Антон Панов, Ристо Крле, Васил Иљоски, Живко Чинго, Коле Чашуле, Богомил Ѓузел, Русомир Богдановски, Горан Стефановски, Венко Андоновски, Дејан Дуковски…
На изложбата ќе биде прикажано целосното оформување и поставување на драмата на македонскиот автор – од текст до сцена, откривајќи притоа различни сензибилитети и идејни концепти, во зависност од актуелниот временски и просторен миг.
Македонскиот народен театар почнал да работи на 3 април 1945, кога драмскиот ансамбл ја одиграл првата претстава „Платон Кречет“ од советскиот драматург Александар Корнејчук, во превод на Блаже Конески и во режија на Димитар Ќостаров. Историјата на МНТ почнала со првата реченица во оваа претстава: „Сонцето, колку е блиску Сонцето“, изговорена од актерката Вера Вучкова. МНТ од декември 2013 година работи во новата театарска зграда на кејот на Вардар каде што се наоѓал и до земјотресот во 1963.
Ново на Сител
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола
-
Гвардиола: Главната работа во фудбалот е да постигнеш гол