Македонија
30. May 2021 - 11:33

МНР промовира МКкарта за граѓаните во дијаспората

Граѓаните од дијаспората кои се успешни во земјите каде живеат ќе добијат МКкарта чија цел е приближување до државата. Картата ќе ја издава МНР, а кој ќе ја добива ќе одлучуваат вработените во дипломатските претставништва.
 
-Дијаспората е фокус на овој проект. Да се создаде мрежа на видни и успешни личности во дијаспората.
Тоа е еден вид признание за нивните постигнувања и билет за вклучување во нашите општествени текови. Оваа карта ќе им овозможи полесно основање на бизниси во нашата држава, а МКкартата ќе им го олесни и престојот на тие кои немаат државјанство, изјави Бујар Османи, Министер за надворешни работи.
 
Од МНР велат дека ова не било обид за попис на македонски државјани во странство бидејќи проектот предвидувал детектирање на успешните луѓе.
 
 
Зоран Јаневски