Младо момче прегазено на патот Тетово -Јажинце
Пешак од Слатино на возраст од неполни 18 години се здобил со тешки повреди во сообраќајната несреќа што синоќа се случила на регионалниот пат Тетово - Јажинце во селото Слатино, информираше денеска портпаролот на СВР Тетово Марјан Јосифовски.
Според Јосифовски, пешакот бил удрен од автомобил „Ауди“ со тетовски регистерски таблици којшто без возачка дозвола го управувал Б.С.(28) жител исто така на Слатино.
- Во несреќата пешакот задобил тешки телесни повреди на главата и градниот кош и со друго возило бил пренесен во Тетовската клиничка болница од каде по укажана лекарска помош со медицинско возило итно бил префрлен на скопските клиники. Таму е задржан за натамошно лекување и се наоѓа надвор од животна опасност, изјави Јосифовски.
Јавен обвинител и екипа од СВР Тетово извршиле увид и се утврдува причината за несреќата, околностите во кои се случила и друго додека возилото е времено одземено за соодветна проверка и обработка.
Според полициската статистика, во текот на минатата година во Полошко вкупниот број на сообраќајни несреќи со пешаци изнесува 90 при што седум лица загинале, 22 се тешко, а 69 се полесно повредени.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација