Младите Европејци најзаслужни за зголемената излезност на ЕУ изборите
Стапката на излезност на младите Европејци на последните ЕУ избори во мај е значајно зголемена во однос на претходните изборни циклуси, покажува последното истражување на Евробарометарот.
Најзначајно е зголемена излезноста кај младите под 25 годишна возраст и младите помеѓу 25 и 39 годишна возраст, покажува првиот пост-изборен Евробарометар.
Последните избори за Европскиот Парламент бележат излезност од 50,6 отсто излезност, што е највисока стапка од 1994-та година.
Во 19 земји членки на ЕУ излезноста е значајно зголемена во споредба со изборите пред пет години, посебно кај поновите земји на ЕУ како Полска, Романија, Унгарија, но и во Шпанија, Австрија и Германија.
Излезноста се намалила во осум земји членки, но само за три процентни поени.
-Значајниот раст на излезноста на мајските европски избори покажува дека луѓето и посебно младата генерација ги ценат своите демократски права и веруваат дека ЕУ е посилна кога делува заедно за да се справи со нивните грижи, изјави претседателот на Европскиот Парламент, Давид Сасоли.
Главните преокупации на европските граѓани за овие избори биле на прво место економијата со 44 отсто и климатските промени со 37 отсто.
Напуштањето на Обединетото Кралство на ЕУ исто така одиграло важна улога го зголеменото учество на граѓаните во ЕУ изборите, посочуваат анкетираните.
Вкупно 68 отсто од анкетираните одговориле дека нивната земја имала бенефит од членството во ЕУ, што претставува највисок резултат од 1983-та година.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање