Митревски: Никогаш не сум бил член на Синдикатот на УПОЗ
Претседателот на ССМ Живко Митревски преку соопштение информира дека никогаш не бил член на Синдикатот на УПОЗ, ниту има намера да биде член во овој синдикат бидејќи, како што наведува, е член и претседател на Синдикатот на шумарство, дрвна индустрија и енергетика.
- Оттаму, комично звучи фалсификувањето на вистината и обидот да се дезинформира јавноста дека претседателот бил исклучен од синдикатот на УПОЗ, вели Митревски во соопштението.
Тој додава претседателот на УПОЗ треба под итно да поднесе оставка бидејќи, како што вели, успеал да го сруши еден од најреномираните синдикати.
- Во услови кога нема никаква идеја како да го води овој синдикат, да потпише колективен договор и да издејствува некое работничко право, најдобро е под итно да си поднесе оставка и да покаже малку морал и доблест со оглед на тоа што истиот има навршено 64 години и неколку месеци и да го напушти ова место овозможувајќи да дојде некој помлад кадар, а не да се бори да го продолжи својот мандат до 70 години, вели Митревски.
Тој истакнува дека како претседател на ССМ заедно со 13-те претседатели на гранкови синдикати се фокусирани на решавање на синдикалните проблеми, водењето на кампања за регресот за годишен одмор и на заштитата на работничките права.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња