Митаракис: Грција нема да биде влезна порта кон Европа за бегалци и мигранти од Авганистан

Грција не може да стане „порта“ кон Европската унија за Авганистанците кои бегаат од конфликтот во својата земја, рече денеска министерот за миграции Нотрис Митарачи повикувајќи се на заеднички одговор на ЕУ за кризата.

Тој ги повторил повиците за заеднички одговор на ЕУ откако минатата недела дојде до несогласување меѓу членките на унијата околу тоа дали треба одбиените баратели на азил да бидат депортирани во Авганистан.

Многу земји членки стравуваат дека поради развојот на ситуацијата во Авганистан може да се повтори европската бегалска криза од 1015/16 година, кога хаотичниот прилив на повеќе од милион луѓе од Блискиот исток ги преоптерети безбедносните системи и системите за социјална заштита, поттикнувајќи зајакнување на екстремните десничарски групи.

Од 2015 година азил во ЕУ побарале околу 570 илјади Авганистанци, од кои 44 илјади само во 2020 година.