Минута аплауз за Сала: Дуелите од Лига на шампионите започнаа со оддавање почит на загинатиот фудбалер

Првите мечеви од осмина финалето на Лигата на шампионите во кои се среќаваат Манчестер Јунајтед - Пари Сен Жермен и Рома - Порто почнаа со оддавање почит на трагично настраданиот фудбалер на Нант, кој загина во пад на авионот кога од Франција тргна кон Кардиф, каде требаше да ја продолжи кариерата.

Мечот во Англија пред почетокот имаше минута аплауз за Аргентинецот, а во Рим имаше минута молк.

Сала го загуби животот во падот на авионот минатиот месец во каналот Ла Манш, кога патуваше од Нант во Кардиф, каде требаше да игра за велшкиот клуб.

Неговото тело е пронајдено минатата недела. Пилотот Дејвид Иботсон и натаму не е пронајден.