Министри од регионот в среда ќе ја разгледаат одуката на Приштина за заштитна царина на овошје и зеленчук
- Министрите задолжени за трговија, земјоделие и економија од четири држави од Балканот, ќе имаат в среда во Белград состанок на кој ќе се разгледува новонастанатата ситуација откако Приштина воведе „заштитни мерки“ за увоз на одделни видови овошје, зеленчук и пченка.
Домаќин на состанокот ќе биде српскиот министер Расим Љајиќ, јави Танјуг.
На состанокот ќе присуствуваат македонскиот министер за земјоделие Љупчо Николовски, црногорската министерка за економија Драгица Секулиќ и министерот за трговија и економски односи на БиХ, Мирко Шаровиќ.
Се очекува заеднички став за новата одлука на Приштина која од пред два дена почна да се применува како - заштитна царина од 30 отсто на увоз на оделни видови овошје и зеленчук како и пченка.
Љајиќ вчера рече дека ќе бара итен состанок со ресорните министри на БиХ и на Македонија како и итна седница на ЦЕФТА по повод одлуката на Приштина. Со таа одлука според него, директно е прекршен договорот на ЦЕФТА. Од Приштина соопштија дека од пред два дена применуваат заштитна царина од 30 отсто на увоз на одделни видови овошје и зеленчук и пченка за „сите трговски партнери“.
Ново на Сител
-
Претседателски избори
-
Тема на денот со Ненад Марковиќ, универзитетски професор
-
Владата одлучи: Деновите за гласање ќе бидат неработни за сите
-
Партиите потпишуваа кодекс за фер и демократски парламентарни избори
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката
-
Приватните специјализанти извисија - Решение после избори