Министерството за цивилна заштита на Грција побара за 15 дена да се испразнат нелегално окупираните објекти
Се повикуваат сите оние кои нелегално окупирале објекти, јавни или приватни, да ги испразнат, пишува на почетокот од соопштението – повик од Министерството за цивилна заштита на Грција во врска со објектите што се по опсада, давајќи им временски рок од 15 дена.
-Се повикуваат сите оние кои нелегално окупирале објекти, јавни или приватни, да ги испразнат. Ако во нив се сместени баратели на азил или државјани на трети земји, да се информираат дека ќе бидат пренесени и сместени во центри во земјата. За нивното префрлање, со нив ќе контактираат надлежните служби од Министерството за цивилна заштита. Ако зградите се приватни, за да останат ќе треба да стапат во контакт со сопствениците и да се договорат за закупни услови. Крајниот рок за напуштање е 15 дена по објавувањето на ова соопштение во медиумите, пишува во повикот од грчкото министерство.
Од крајот на август годинава, грчката полиција спроведе низа акции за празнење на објекти под опсада и досега интервенираше во 12 згради во кои беа пронајдени над 500 лица, поголемиот број од нив бегалци и мигранти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка