Министерски состанок на земјите од Западен Балкан во Скопје
Министерството за надворешни работи на Република Македонија денеска ќе биде домаќин на Министерскиот состанок на земјите од Западен Балкан, на кој ќе присуствуваат и еврокомесарот за соседска политика и преговори за проширување Јоханес Хан, италијанскиот државен потсекретар за надворешни работи Винченцо Амендола и генералниот секретар на Советот за регионална соработка Горан Свилановиќ.
Пред активностите во МНР, утрово во Владата на РМ средба со еврокомесарот Хан ќе оствари премиерот Емил Димитриев, а потоа во Владата состанок ќе имаат министрите за енергетика од Западен Балкан. Состанокот, на кој ќе присуствува и еврокомесарот Хан, ќе го води вицепремиерот за економски прашања Владимир Пешевски.
Министерскиот состанок во МНР ќе биде неформална средба на министрите за надворешни работи од балканските земји вклучени во тнр. „Берлински процес“. На состанокот, како што соопшти МНР, ќе се разговараат прашања од областа на регионалната соработка во различни сегменти, но со посебен акцент на заедничките регионални предизвици, економскиот просперитет и меѓусебното поврзување, владеењето на правото и антикорупцијата, во функција на интегрирање на сите балкански земји во Европската унија.
Министрите за надворешни работи ќе одржат и заедничка сесија со министрите за енергетика, на која што ќе се дискутира за примената на одлуките од Парискиот самит и очекувањата од претстојниот Самит во Трст во рамките на „Берлински процес“.
На маргините на состанокот ќе бидат потпишани два договора помеѓу Европската комисија и меѓународните финансиски институции - Европската банка за обнова и развој (ЕБРД), Европската инвестициска банка (ЕИБ) и Банкарскиот концерн KfW, во рамките на Програмата за регионална енергетска ефикасност (REEP Plus – Regional Energy Efficiency Programme ) и Фондот за зелен раст (GGF – Green for Growth Fund ), преку кои ќе се финансираат проекти што ќе се реализираат во регионот, стои во соопштението.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово