Македонија
18. April 2016 - 16:08

Министерот за правда Џафери на состанок за Граѓанскиот законик

Министерот за правда Валдет Џафери денеска одржа состанок со претставниците на одделните групи на Комисијата за изготвување на Граѓанскиот законик. 

На состанокот се дискутираше за досегашниот тек на подготовката на Граѓанскиот законик, сфатен како единствен систем на граѓанско-правни норми, за препреките во однос на кодификацијата, како и роковите за негово завршување.

Џафери, како што соопшти Министерството за правда посочил дека краен рок за изготвување на Граѓанскиот законик е јуни 2017 година.  

Комисијата ја предводи претседателот, проф. д-р Гале Галев. а во неа членуваат врвни професори и експерти на правни науки од земјата, како и надворешни соработници, професори и експерти од странство.