Министерот за одбрана незадоволен од пишувањето во печатот за тајните воени операции во Либија
Францускиот министер за одбрана Жан-Ив ле Дриан е незадоволен од објавувањето во францускиот печат, поточно во париски „Ле Монд“ на информациите за водењето на тајни операции во Либија и сега го бара изворот на овие информации, пренесува дописникот на МИА од Париз.
Како што јавија повеќе француски медиуми, министерот за одбрана откако беше објавена информација вчера во „Ле Монд“ дека Франција води тајни специјални операции во Либија против Исламска држава, имал излив на незадоволство и побарал отворање на истрага за „издавање на национална воена тајна“.
Истрагата ќе биде водена од страна на внатрешните служби за разузнавање на Министерството со цел да се утврди дали има елементи кои се под превезот на воена тајна во објавениот новинарски тескт.
Целта не е да се гони новинарката на „Ле Монд“ Натали Гуибер, туку нејзиниот извор.
Министерството било посебно иритирано од еден детал во кој се открива дека француските специјалци дозволиле локализација на ирачанинот Абу Набил, кој беше елиминиран од страна на Американците. Прашањето е дали француските служби успеале да се инфилтрираат во опкружувањео на шефот на терористите или успеале да постават диспозитив за негово следење. Во секој случај, Париз не сакаше оваа информација да излезе во јавноста.
Ова излегување во јавноста, според проценките на француските медиуми се должи на ривалството на повеќе служби присутни на теренот, од една страна војници во униформа кои се под надлежност на Центарот за специјални операции на армијата и од друга страна тајните елементи на генералната дирекција за надворешна безбедност.
Во Министерството за одбрана на Франција сакаат да го замолчат изворот без разлика од каде доаѓа, не водејќи сметка за заштита на новинарските извори. Досие кое веќе француските медиуми и новинари најавија дека внимателно ќе го следат.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка