Министерот за дијаспора се сретна со Форумот за демократска Македонија
Министерот задолжен за дијаспората Едмонд Адеми денеска оствари средба со претставниците на Форум за демократска Македонија, Емилија Тодорова и Маја Панова.
На средбата, министерот Адеми ги запознал со почетните активности, плановите за работа и за развивање на соработката со дијаспората. Адеми, како што соопшти неговиот Кабинет, истакнал дека со самото тоа што еден од министрите во Владата е задолжен за дијаспората, се покажува нејзината определба да ѝ даде на дијаспората дополнителна политичка и суштинска тежина.
Претставничките на Форумот за демократска Македонија посочиле дека нивната организација е отворена за сите македонски граѓани во странство кои имаат заеднички интереси и проблеми. Истакнале дека нивниот проглас е објавен на седум јазици и оти е готова и програмата. Нивните заложби, како што нагласиле, се во правец на демократизација на Македонија, слобода на медиумите, засилување на владеењето на правото и на човековите права, но и активности во областа на образованието, науката и културата. Претставничките на Форумот изразиле подготвеност за соработка во сфери од нивното дејствување.
Заеднички е констатирано дека треба да се изградат мостови на доверба и партнерство меѓу институциите на системот и иселениците, од кое би произлегле придобивки за државата и за сите граѓани на Македонија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово