Министерот Попоски на Конференција за западно-балканската мигрантска рута во Виена
Министерот за надворешни работи на Република Македонија Никола Попоски денеска ќе учествува на Конференција за западно-балканската мигрантска рута насловена „Заедничко менаџирање на миграциите“ што се одржува во Виена, во организација на министерствата за надворешни и внатрешни работи на Австрија.
Како што соопшти МНР, главни теми на конференцијата ќе бидат разгледување на можностите за унифицирање на начинот на менаџирање на бегалско-мигрантската криза долж Балканската рута, борбата против причините за појава на кризата, начините за подобрување на соработката со трети држави како и подобрување на капацитетите на прифатно-транзитните центри во државите дел од рутата.
Покрај делегацијата од Република Македонија, на настанот ќе присуствуваат и делегации од државите од Западен Балкан, Словенија, Хрватска и Бугарија.
Конференцијата ќе ја отворат министерот за внатрешни работи на Република Австрија, Јохана Микл Лејтнер и министерот за надворешни работи, Себастијан Курц.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува