Министерот Османи во посета на Луксембург
Шефот на дипломатијата Бујар Османи денеска ќе престојува во работна посета на Луксембург, каде ќе оствари средби со луксембуршкиот министер за надворешни и европски работи и за имиграција и азил Јан Аселборн, со претседателот на Парламентот Фернан Етген и со претседателот на парламентраната Комисија за надворешни работи, Ив Круктен.
Од Луксембург, како што соопшти МНР, Османи утре заминува во работна посета на Белгија каде домаќин ќе му биде заменик-премиерот и министер за надворешни работи, европски прашања и надворешна трговија и за федерални културни институции Софи Вилмес. Во рамките на посетата на Белгија, Османи ќе оствари средби и со претседателките на Претставничкиот дом и на Сенатот на белгискиот Федерален парламент, Елиан Тилио и Стефани Д’Ос.
– Покрај билатералните односи со земјите на Бенелукс, акцент на разговорите ќе биде ставен на европското досие на земјава, со фокус кон можностите и поддршката за реализација на одлуката на Советот за ЕУ за почеток на преговорите за членство, наведуваат од МНР.
На средбите се очекува да се разменат информации и за актуелните состојби поврзани со пандемијата со Ковид-19 и соработката на тој план, во функција на поскоро надминување на оваа глобална здравствена криза.
Во рамките на работните посети на Луксембург и Белгија, министерот Османи ќе оствари и средби со високи претставници на Европската унија и на НАТО, меѓу кои и со генералниот секретар на НАТО, Јенс Столтенберг и со еврокомесарот за буџет и поранешен еврокомесар за проширување, Јоханес Хан.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри