Министерот Нухиу во посета на селото Врбјани
Министерот за внатрешни работи Агим Нухиу денеска беше во посета на селото Врбјани во општина Ростуше, во рамките на проектот „Како сте?“, кој има за цел да ја приближи полицијата до граѓаните.
На средбите со граѓаните, министерот Нухиу, како што соопшти МВР, им објаснил дека полицијата е сервис на граѓаните и дека тие во секое време можат да се обратат до МВР.
- Дојдов лично за да ве информирам дека полицијата е на располагање во секое време за вашите потреби и вие можете слободно да ни се обратите за работи кои се во наша надлежност. Бидејќи дел од граѓаните се интересираат за изработката на личните документи, сакам да ве информирам дека имаме и мобилни екипи за фотографирање за изработка на документи и тие ви стојат на располагање, рече министерот Нухиу на средбите со жителите на Врбјани.
Граѓаните изразиле благодарност за посетата и истакнале дека имаат добра соработка со полицијата која се надеваат дека ќе продолжи.
Ново на Сител
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори