Министерот Кучи се сретна со новиот француски амбасадор Кристијан Тимоние
Министерот за економија Дритон Кучи денеска оствари средба со новоименуваниот француски амбасадор во Македонија, Кристијан Тимоние.
Кучи и Тимоние, како што соопшти Министерството за економија, ја оцениле економската соработка меѓу Македонија и Франција како успешна, со голем потенцијал за нејзино продлабочување во сферата на нови инвестиции од француски компании, нивен ангажман во изградба на енергетските капацитети, како и зголемување на бројот на туристи од Франција во нашата земја.
Министерот Кучи се заблагодарил за постојаната поддршка што Република Франција ја дава на Република Македонија, вклучувајќи го и интересот за проектите кои се во надлежност на Министерството за економија. - Македонија е дел од Европа, но и понатаму ни е потребна поддршката на Франција за зачленување во ЕУ и НАТО, изјавил министерот Кучи.
Амбасадорот на Франција го поздравил успешниот развој на билатералните односи меѓу двете земји и изразил уверување дека Франција ќе остане посветена на продлабочување на економската соработка и ќе продолжи со поддршката на Република Македонија на нејзиниот европски пат.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање