Министерот Елвин Хасан во посета на Штип и Кочани
Министерот без ресор задолжен за странски инвестиции, Елвин Хасан беше во работна посета на Штип, каде што посети две текстилни компании кои имаат добиено финансиска помош согласно Законот за финансиска поддршка.
Како што соопшти неговиот Кабинет, Хасан ги посетил компаниите „Линеа“, која освен што е застапена на домашниот пазар, извезува и на Балканот, и „Албатрос“, која главно произведува кошули и извезува во Германија, Холандија и Швајцарија, а има и продавница во Скопје.
– Компаниите постојат од 90-тите години на минатиот век, а денес работат по европски модерни стандарди и произведуваат исклучително квалитетни текстилни производи, се наведува во соопштението.
Покрај, двете штипски компании, министерот Хасан ја посети и текстилната компанија „Мај Фешн“ од Кочани, која исто така добила финансиска поддршка согласно Законот за финансиска поддршка.
Министерот на средбите им ги презентирал најновите измени на Законот за финансиска поддршка и новите можностите кои се отвораат со нив, а се разговарало и за проблемите со кои се соочуваат компаниите и кои се чекорите што треба да се преземат за нивно трајно решавање.
Во рамки на посетата на Штип, Хасан остварил средба и со штипскиот градоначалник, Благој Бочварски, при што било разговарано за можностите за инвестирање во градот и пред се во ТИРЗ зоната.
Како предност на средбата бил посочен автопатот Миладиновци – Штип, кој го поврзува градот со Скопје, што може да се смета за привлечно за инвестирање во штипската општина.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања