Министерот Џафери на Меѓународниот конгрес за правда во Истанбул
Министерот за правда Валдет Џафери се обрати пред учесниците на Меѓународниот конгрес за правда, кој од 17-ти овој месец се одржува во Истанбул.
Како што соопшти денеска Министерството за правда, Џафери на конгресот ја посочил големата важност од соработката меѓу правните институции во однос на спречувањето на криминалот и другите незаконски дела, како и соработката во граѓанската и трговската област.
- Република Македонија е потписничка на најважните меѓународни договори за меѓународна правна соработка, но и потписничка на билатералните договори речиси со сите земји од регионот, како Турција, Словенија, Босна и Херцеговина, Албанија, Србија, Црна Гора и Хрватска, истакнал министерот Џафери.
На маргините на конгресот, министерот Џафери остварил неколку средби со високи правни службеници на Турција, а, како што се наведува во соопштението, планирани се и неколку средби со претставници од албанската дијаспора ви Истанбул.
На Меѓународниот конгрес за правда учествуваат претставници од околу 50 – тина држави од светот. Повеќето од делегациите се претставени на министерско ниво, потоа на претседатели на врховни судови, државни обвинители, како и директори на институции за обука на судии и јавни обвинители.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари