Министерот без ресор Самка Ибраимовски се сретна со жители на Кочани
Министерот без ресор задолжен за имплементација на Ромите во Македонија Самка Ибраимовски денеска оствари средба со жителите од ромската националност на Кочани како и со претставници на здруженија на граѓани и невладини организации.
- Денеска сум овде заедно со Вас да ви ја изложам програмата на мојот кабинет и на Владата за решавање на статусот на ромската националност, како и подобрување на условите за живеење, школување, образование и воспитување. Во програмата за оваа и наредната 2018 година значајно место им се дава на Ромите, пред се во решавањето на прашањата за домување, образование и социјала, истакна Ибраимовски.
Жалам, продолжи тој, што во многу општини од државата, меѓу кои и во Кочани нема никакви акциони планови на локално ниво со кои ќе се подобри статусот на ромската заедница. Тому затоа, рече Ибраимовски, ветувам дека ќе дојдат подобри денови за ромската заедница во Македонија, во споредба со годините што поминаа.
На средбата жителите од ромска националност ги искажаа проблемите со кои се среќаваат секојдневно, а се однесуваат во делот на вработувањето, решаввањето на комуналните проблеми, како и проблемите со образованието и социјалата.
Следната сердба со граѓани министерот без ресор Самка Ибраимовски ја најави наредната недела во Прилеп и Битола.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари