Mинистерот Бектеши се сретна со унгарскиот амбасадор Ласло Дукс
Министерот за економија Крешник Бектеши денеска се сретна со амбасадорот на Унгарија во Република Македонија, Ласло Иштван Дукс.
На сребата, информираат од Министерството за економија, Бектеши изразил задоволство од интензивирањето на економската соработка меѓу двете земји, која резултирала со континуиран раст на трговската размена меѓу Македонија и Унгарија, поточно со нејзино удвојување во последните три години, но и со зголемување на бројот на туристи и соработка во повеќе области од заеднички интерес.
Двајцата соговорници изразиле задоволство од воспоставувањето на директни летови на релација Будимпешта – Скопје - Будимпешта, од страна на нискобуџетната компанија Виз Ер, што е причина повеќе за брзото зголемување на деловните посети и на туристите во двете земји.
Воедно, амбасадорот Дукс во текот на средбата го пренел интересот на многу унгарски компании да учествуваат во спроведувањето на различни проекти од областа на инфраструктурата, енергетиката и туризмот во Македонија.
Министерот Бектеши и амбасадорот Дукс истакнале дека соработката меѓу министерствата во чија надлежност се економските релации досега е одлична, за што говорат и трите одржани седници на мешовитите комитети на двете земји, како и неколкуте реализирани бизнис форуми, согласно Меморандумот за соработка, потпишан од страна на инвестициските агенции од Македонија и Унгарија.
Од оваа прва средба меѓу Бектеши и Дукс, наведуваат од Министерството за економија, произлегла и иницијативата четвртиот состанок на заедничкиот мешовит комитет да се одржи до крајот на оваа година, а домаќин да биде нашата земја.
Ново на Сител
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин