Mинистерка во Хрватска без возачка дозвола удрила во 10-годишно дете

Хрватската министерка за регионален развој и ЕУ фондови, Габриела Жалац немала важечка возачка дозвола во моментот кога со возилото кое го управувала налетала и удрила во дете.

Медиумите пренесоа дека се работи за мало девојче кое претрчало на улицата, на место на кое немало пешачки премин. Детето е хоспитализирано и не е во животна опасност.

Од полицијата соопштија дека на министерката, бидејќи управувала возило со неважечка возачка дозвола, изречена и е парична казна во износ од околу 135 евра, односно 67 евра доколку казната ја плати веднаш, како што се наведува било направено.

Алко-тестирањето покажало дека министерката во моментот на сообраќајната несреќа не била под влијание на алкохол, наведе хрватската „Н1“.