Милошоски: Се очекува Владата да го повлече предлогот за Фрчкоски за амбасадор во САД

Пратеникот од редовите на ВМРО-ДПМНЕ Антонијо Милошоски тврди дека во следните денови се очекува Владата да го повлече предлогот за номинација на Фрчкоски за македонски амбасадор во САД.

-Ова ќе биде последица на реакциите од страна од стратешкиот партнер кои пред неколку дена по дипломатски пат стигнале директно и до Заев, со прашање дали е сигурен дека Фрчковски би можел да добие НАТО безбедносен сертификат, што е предуслов за размената на строго доверливи информации на највисоко државно ниво, пишува Милошоски на Фејсбук.

Според него, премиерот Зоран Заев се правдал дека нема детални информации на тема.

-Заев се правдал дека нема детални информации на таа тема за предложениот амбасадор, но дека ќе разговара со Фрчкоски за да му понуди друга функционерска опција, надвор од дипломатијата, напиша Милошоски на Фејсбук.