Милошоски до Османи: Зошто не кажете што содржи тој Нон пејпер кој што сте го испратиле во декември во Софија?

Она што јас сакам да го упатам како критика на ваквиот пристап кој според мене е провизорен повеќе е формален, а во него има помалку суштина. Министерот Османи збореше да изградиме заеднички позиции, збореше за зрелост, почит и меѓусебна доверба. Како ние да имаме доверба како пратеници кои што ги избрал народот, пратениците ја избрале владата а владата не сака со нас да сподели еден Нон пејпер кој што во декември бил испратен во Софија, праша пратеникот од ВМРО-ДПМНЕ Антонијо Милошоски на денешната собраниска комисија за надворешна политика.

Како да ги изградиме тие позиции во кои што вие сте го напишале вашето мислење, стручно лице го дополнило тоа мислење а вие не ни давате ниту право, ниту доверба како пратеници да дадеме сугестија за тој Нон пејпер кои што сакаме да биде во согласност со Декларацијата која што ова собрание ја усвои. Нас државата ни дава полна доверба со тоа што ни дава државни сертификати да имаме достап до секоја државна тајна, колку и да е класифициран тој документ, и ако државата ни дала доверба, тогаш зошто еден политичар кој што води државна институција, да не ни дава доверба. Еве можеби вие немате доверба во мене, можеби Никола Димитров нема доверба во вас, можеби граѓаните немаат доверба во владата, но зошто вие да немате доверба во пратеници на СДСМ и ДУИ, и тие се пратеници и ве гласале, со нив барем да споделите што има во тој Нон пејпер, вели Милошоски.

Вие сега правите нов преседан каде што потврдувате дека има документ, дека истиот е неформален, е работна верзија, а ја ускратувате можноста пратеници во таа работна верзија да го дадат својот придонес, и мислам дека тоа е потценување на зрелоста, почитта и на довербата кон пратеници за која вие зборевте, додаде тој.

Милошоски истакна дека одлуката за преговори била условен бидејќи како што рече тој денеска немаше да се разговара на оваа тема, додавајќи дека Бујар Османи, Никола Димитров и Оливер Спасовски како тогашен технички министер на прес конференција пред македонската јавност изјавиле дека одлуката е без услов.

Втора работа која што сакам да ја спомена е зборевте за одлуката од март 2020 година за почеток на преговорите. Но, кога таа одлука беше донесена вие лично на прес конференција пред македонската јавност со Никола Димитров и Оливер Спасовски како тогашен технички премиер кажавте дека одлуката е без условна, а гледаме дека сега има 5+1, 3+1, 2+1 имаме услови кои што задираат дотаму што одат до Уставот на Република Македонија кој што е темел на политичкиот суверенитет на една држава, појасни Милошоски.

Милошоски вели дека тенка е линијата помеѓу разговори и преговори, посочувајќи дека приоритет на власта е да опстане на власт и може да влезат да разговараат за идентитетот и јазикот, прашувајќи зошто  доколку има добра волја од страна на Бугарија не се прифати да се потпише договорот помеѓу Македонија и Фронтекст.

Третата поента е по однос на идентитетот и јазикот. Вие велите дека не преговараме за идентитетот и јазикот но има разговори. Штом има разговори, тенка е линијата помеѓу разговори и преговори, може да се направи политички притисок, гледаме дека владата си има свои зацртани цели, главниот приоритет е опстанувањето на власт и може тој приоритет да ве наведе да влезете и во преговори, нагласи Милошоски.

На крајот од краиштата ако има добра волја и ова е за интерес и на Македонија и на Бугарија  и на Европската унија, тогаш зошто новата бугарска влада ако има навистина поинакви гледишта не прифати да го потпише Договорот помеѓу Македонија и Фронтекст, вели Милошоски.

Милошоски истакна дека ова е трет меморандум кој што се потпишува од стана на македонската и бугарската страна за изградба на Коридор 8.

Ова е трет потпишан меморандум за Коридор 8, но вашата влада не може да го заврши Блаце пет години, вашата влада не може автопатот Кичево Охрид Струга  и сега потпишале меморандум за Коридорот 8, одлично е тоа, но вашите дела не, не уверуваат дека може да се постигне она што се потпишува како декларација, дециден е Милошоски.