Милков: Амбасадорот Ангелов ќе се врати во Скопје кога ќе се создадат соодветни услови
Бугарскиот амбасадор во земјава Ангел Ангелов би можел да се врати во Скопје, кога за тоа ќе се создадат соодветни услови, изјави денеска министерот за надворешни работи на Бугарија, Николај Милков.
– Доколку започне дијалог на високо ниво, во кој треба да учествува и тој, амбасадорот може да се врати во секој момент, додаде Милков на прес-конференција на која информираше за активностите на бугарското Министерство за надворешни работи.
Коментирајќи ја изјавата на шефот на дипломатијата Бујар Османи дека одлуката за повикување на амбасадорот Ангелов на консултации во Софија е неоснован, неаргументиран и непропорционален потег, Милков рече дека таквата постапка е одраз на уверувањето на Бугарија дека ситуацијата е „отидена предалеку“ и дека „ваквата мерка е неопходна“.
– Ако Република Северна Македонија смета дека повикувањето на вонредниот и ополномоштен амбасадор на Бугарија во Северна Македонија, Ангел Ангелов е непропорционално, можеби не ја сфаќаат сериозноста на ситуацијата, рече Милков.
Според него, во сегашниот момент е потребно амбасадорот Ангелов да биде во Софија „за да се разјаснат низа пристапи“ во однос на бугарската политика кон земјава.
– Мерката е координирана на највисоко ниво. Ова не е нешто за што случајно е одлучено или е донесена одлука само на ниво на Министерството за надворешни работи. Ова е национален одговор, додаде Милков.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово