Милена Арсовска со главна улога во операта „Славеј" во Прага
Македонската сопранистка Милена Арсовска синоќа со воодушевување и ентузијазам беше примена од чешката публика, настапувајќи во Народниот театар во Прага, јави дописникот на МИА.
Арсовска ја има главната улога во операта ,,Славеј" на рускиот композитор Игор Стравински (1882-1971).
Либретото го напишал во 1914 година заедно со својот пријател Стјепан Митусов, по истоимената бајка на Ханс Кристијан Андерсен, а операта во три чина е прва опера на Стравински.
Приказната е за кинескиот цар, кој опкружен со неверојатен луксуз и лажни вредности, ќе се воодушеви и ќе чезнее по пеењето на едно обично славејче, покажувајќи дека не знае ништо за чистата убавина на природата и нејзините суштества.
Шеф диригент е извонредниот Јан Латхам Коениг, истовремено уметнички директор на Новаја Опера во Москва, на Филхармонискиот оркестар во Мексико Сити и Симфонискиот оркестар на Фландрија, Бриж.
,,Славејот" на Стравински во Чешка досега е изведен само на два концерти во 2010 година.
Македонската сопранистка Милена Арсовска дипломирала на Факултетот за музичка уметност при Универзитетот Св. Кирил и Методиј во Скопје. Дебитирала на 17 години на сцената на Македонската опера и балет, а како слободен уметник повеќе од шест години живее во Виена каде има завршено магистерски студии по оперско пеење.
Покрај во Македонија и Австрија, има настапувано и во Шпанија, Италија, Германија, Швајцарија, Шведска, Холандија, Малта, Франција, Јапонија и САД.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор