Мијалков осуден на 8 години затвор за „Трезор“
Судот ги прогласи за виновни Сашо Мијалков и началниците Тони Јакимовски, Небојша Стајковиќ и Горан Грујевски кои одговараа за злоупотреба на службена положба и помагање во судскиот случај „Трезор".
Заработија затворски казни; Сашо Мијалков е осуден на 8 години затвор, Тони Јакимовски доби 5 години, Небојша Сајковиќ 5, и 15 години за Горан Грујевски кој е во бегство во Грција.
Случајот „Трезор" се однесува на злоупотреба на средства од Буџетот на државата за набавка на шпиунски софтвер за потребите на УБК од фирма од Велика Британија.
Судијата Џенета Бегтовиќ во пресудата наведе дека од изведените докази во текот на судењето, се утврдило дека обвинетите имале средба во Велика Британија каде договориле набавка на софтверот за потребите на УБК, иако не бил објавен оглас за таа набавка.
Според пресудата, ќе се конфискуваат и 838.106 денари и 145.619 евра, од сметки на фирмата Финзи како и автомобил Ауди А4 вреден 2.026.285 денари.
Дополнително, обвинетите треба и да ја надоместат штетата од 21.158.296 денари.
Зоран Јаневски
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот