Мигрантите во кампот Вучјак и натаму одбиваат храна
Мигрантите во кампот Вучјак, кај Бихаќ, и денеска одбиваат храна од Црвен крст, јави сараевската телевизија Н1.
Мигрантите во тој камп храната ја одбиваат бидејќи сакаат да им се отворат границите кон ЕУ и не отстапуваат од тоа барање.
Повеќе од 500 мигранти се наоѓаат во импровизираниот камп Вучјак, каде со недели се изложени на ниски температури.
Пред два дена, кога падна снег во Босна и Херцеговина, некои шатори беа уништени од тежината на снегот, а мигрантите беа со несоодветна облека. Од тој ден тие почнаа да ја одбиваат храната од Црвен крст.
Комесарката за човекови права во Советот на Европа Дуња Мијатовиќ на почетокот на неделава го посети кампот и по разговорите со мигрантите категорично изјави дека тие мора да бидат дислоцирани во подобри услови, бидејќи се животно загрозени.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица