Миграцијата од Источна Европа рекордно го зголеми населението на Германија
Населението на Германија минатата година достигна рекордни 83 милиони жители, во голема мера поради мигрантите од кои повеќето доаѓаат од Источна Европа, покажаа статистички податоци објавени денеска.
Нето-миграцијата во 2018 година се намали на околу 400.000 од 416.000 во претходната година, соопшти Федералната служба за статистика. Од земјите на Европската унија дошле 202.000 луѓе. Во оваа група на нето-миграција најмногу има од Романија (68.000), Хрватска (29.000), Бугарија (27.000) и Полска (20.000).
Рекордно високата вработеност и намалената невработеност доведоа до затегнување на пазарот на трудот во најголемата економија во Европа, па на работодавачите им е тешко да создадат повеќе од еден милион позиции, а тешкотиите поврзани со работниот пазар го ограничуваат и општиот економски раст, коментираат локалните медиуми.
Стареењето на населението и нискиот наталитет значат дека работната сила во Германија најверојатно ќе се намали во следните децении, па мигрантите се сметаат за многу важни со цел да им се помогне на фирмите да најдат работници чии пензиски придонеси го помагаат растечкиот број пензионери.
Во Германија минатата година дошле помалку бегалци од земјите каде што се водат војни. Вкупната миграција од Сирија во 2018 паднала на 34.000 од 60.000 претходната година, а мигрантите од Африка се намалени за илјада, од 35 на 34 илјади луѓе.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж