Балкан
30. March 2020 - 13:28

Мицотакис ги повика министрите од владата и пратениците од Нова демократија да отстапат половина плата за борбата со Ковид-19

Во една симболична иницијатива, ги повикувам сите пратеници на Нова демократија, како и министрите и замениците -министри во следните два месеци да достават 50 отсто од нивните плати за борбата со коронавирусот, напиша грчкиот премиер Кирјакос Мицотакис на неговиот официјален „Фејсбук“ профил.

Мицотакис вели дека политичкиот свет од земјата треба да биде во првите редови на солидарноста.

-Пред здравствената закана сите сме еднакви. Но, во борбата со неа, секој е должен да понуди според своите сили. Сигурен сум дека оваа опција ќе ја следат и другите партии, напиша грчкиот Премиер.

Средствата од платите ќе бидат ставени на специјална сметка наменета за Ковид-19.