Мицкоски: Со умен рационален пристап „францускиот предлог“ може да се смени
Денеска дадовме наш предлог и којшто е ставот на ВМРО-ДПМНЕ и за преговарачката рамка, но и за заедничките позиции на земјите членки на ЕУ, изјави вечерва лидерот на ВМРО-ДПМНЕ, Христијан Мицкоски пред почетокот на протестот „Ултиматум – Не благодарам“.
– Можете да преговарате како што преговара нашата Влада и да не однесете во амбис и да немате втора опција додека паѓате во амбис. Дали ќе ја прифатиме таа опција додека не сме во амбис – не, не благодарам. Затоа велиме не за асимилација. И наместо да се консултираат со нас, тие водеа егзибиционистички преговори. Ќе ве потсетам на Лисабонската декларација уште во раните деведесетти кога Македонија стануваше независна држава имаше заклучок името на државата да не го содржи зборот Македонија, па потоа се смени. Така што, со умен пристап, рационален пристап, пристап којшто е национален македонски пристап може се да се смени, изјави Мицкоски.
Во однос на денешната средбата на партиските работни групи во Клубот на пратеници тој нагласи дека не ја гледа целта на продолжување на овие разговори, посочувајќи дека ВМРО-ДПМНЕ ги кажа своите позиции.
– Како горди Македонци достоинствени Македонци, тоа што сме биле, тоа што сме и тоа што ќе останеме, горди на нашите предци и на жртвата која што нашите предци ја дале за да ја имаме ние оваа независна македонска држава, која што го говори преубавиот мајчин македонски јазик, признат и кодифициран уште минатиот век, истакна Мицкоски.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари