Македонија
25. March 2021 - 19:49

Мицкоски: Првиот момент кога попишувачите ќе бидат вакцинирани ВМРО-ДПМНЕ ќе го поддржи пописот

Претседателот на ВМРО-ДПМНЕ, Христијан Мицкоски во гостувањето во Тема на Денот во Дневникот на Сител рече дека неговата партија ќе го поддржи пописот во моментот кога сите попишувачи ќе бидат вакцинирани против КОВИД-19.

Според него, дури и поместување на локалните избори нема да значи ништо ако тоа се направи со цел да се имунизираат теренските попишувачи.

Имам модифициран предлог, веднаш нека се донираат 5-6 илјади вакцини за попишувачите, нека ги имунизираат попишувачите, тоа е процес кој што трае месец дена, ќе се одложи процесот на попишување на население и домаќинства, што е тоа во споредба со 20 години чекање и тогаш откако ќе се заврши имунизацијата со попишувачите да се одржи пописот. Првиот момент кога ќе имаме имунизирани попишувачи каде што здравјето на граѓаните нема да биде загрозено и нема да постои опасност попишувачите да шират опасност ние ќе го поддржиме пописот, рече Мицкоски.