Мицкоски побара средба со Иванов и Заев – темата ќе биде капитулантскиот договор за името
ВМРО-ДПМНЕ нема да поддржи промена на Уставот, а со цел промена на уставното име и ќе се спротивстави со сите демократски и правни средства против овој капитулантски договор, изјави на денешната прес-конференција претседателот на ВМРО-ДПМНЕ, Христијан Мицкоски.
Според него, работата во моментот е пресериозна и сите политички субјекти имаат обврска кон Република Македонија и граѓаните.
-Затоа побарав итна средба со претседателот на државата, Ѓорге Иванов кој предводи една од институциите која е дел од државноста и интегритетот на државата и каде што ќе разговарам за ова суштинско прашање. Воедно, ја користам оваа прилика да побарам и средба со премиерот Зоран Заев на кој очекувам да ми биде доставен пишаниот документ, односно, она за што се согласил со неговиот грчки колега, Алексис Ципрас, рече Мицкоски.
Додаде дека партијата останува со граѓаните и со Република Македонија.
-ВМРО-ДПМНЕ останува на страната на интересите на Македонија и на сите вас, потенцираше Мицкоски.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење