Македонија
2. April 2021 - 10:55

Мицкоски: Можни се предвремени парламентарни избори заедно со локалните

Претседателот на ВМРО-ДПМНЕ, Христијан Мицкоски во вчерашното гостување на ТВ 21 рече дека сите опции се отворени во врска со предвремените парламентарни избори. Односно, како што тврди, можни се и парламентарни заедно со локалните избори, но и избори напролет иднината година.

„Нема ништо добро за граѓаните, имаме тотална катастрофа“, рече Мицкоски, кој потоа на прашање на модераторот, коментираше за „математиките“ за можни парламентарни избори заедно со локалните.

„Сите опции се отворени, можеме да имаме заедно со локалните и предвремени парламентарни избори, може да чекаме резултати од локалните, па да видиме, па после да имаме напролет предвремени парламентарни избори. Така што сите опции се отворени. Не би сакал да зборувам сега за детали, затоа што кога зборувате за детали, дел од граѓаните имаат некои високи очекувања, а друг дел се борат да не успеете. Факт е дека Македонија во моментов се движи во погрешна насока и тоа мора да го смениме“, рече лидерот на ВМРО-ДПМНЕ.