Мицкоски: Ќе понудиме решенија и план кој ќе ја извадат нашата земја од кризата во која е потоната
Ќе кажам дека ова ВМРО е поискусно од она од 2016-та или 2011та, и свесно за сите свои минати недостатоци. И сега знаеме точно што треба. И знаеме како, истакна претседателот на ВМРО-ДПМНЕ Христијан Мицкоски од конвенцијата во Струга на која партијата избира кандидат за претседател на претстојните претседателски избори.
„Имаме многу работа пред нас. Ќе понудиме решенија, ќе понудиме нестрашлива енергија и план кој ќе мора да ја избави нашата земја од кризата во која сме втурнати и која е клекната на колена. Власта е во паника. Нема резултати и секојдневно или лажат или смислуваат вештачки теми за одвлекување на вниманието. Веќе договорот со Грција не е главна тема, народот веќе не потклекнува и на оние обиди за заплашувања или ршења на духот, затоа што се повеќе луѓе не се плашат. Не се плашат и пркосат.“
Мицкоски потенцира дека граѓанската платформа за борба против сиромаштијата објави дека денес 500 илјади наши сограѓани живеат во сиромаштија, рангирањата покажуваат дека корупцијата во Македонија е полоша и поголема од онаа во Руанда и Свазилен.
-За само една година Владата со своето расипништво го зголеми јавниот долг нa над 5.2 милијарди евра. Сега не дебатираме за зголемување на пензии, туку дискусијата е зошто ги намалуваат. Ги зголемија даноците, ги отповарија земјоделците, оние со авторски договори. Инвестиции нема, а како и да има кога нема човек во јавноста кој ги знае имињата на министрите кои земаат плата за да привлекуваат инвестиции, подвлече лидерот на ВМРО-ДПМНЕ.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца