„Металика“ најави нова турнеја
Американската хеви метал група „Металика“ објави дека на 10 мај ги почнува своите тримесечни концертни настапи во САД и Канада, што ќе биде прва турнеја на бендот по 2009 година.
Турнејата, во чии рамки „Металика“ ќе има 25 настапи, ќе почне со концерт во американскиот град Балтимор на 10 мај, а ќе завршува во канадскиот град Едмонтнон на 16 август.
На турнејата ќе биде промовиран десеттиот студиски албум на „Металика“ „Hardvired... to Self-Destruct“, кој од излегувањето во ноември досега е продаден во два милини примероци. Тој е прв студиски албум на бендот од 2008 година, што е најдолга пауза меѓу двата студиски албуми во историјата на „Металика“.
За секој купен билет на турнејата, обожвателите ќе добијат и примерок од новиот албум.
„Металика“ на турнејата најчесто ќе ја придружуваат американскиот бенд „Авенџед Севенфолд“ и данскиот „Волбит“, а во август ќе им се придружи и француската група „Гожира“.
Тапанарот на „Металика“, Ларс Улрих уште лани во август за магазинот „Ролингстон“ ја најави можноста за турнеја, велејќи дека е време „прописно да се размрда Америка“.
- Ќе биде забавно во овие луди и конфузни времиња на поделби да се види како сите се собираат, како ги оставаат на страна различностите и уживаат во музиката. Ние сме многу возбудени поради враќањето, рече Улрих.
„Металика“ во неделата вечерта настапи на доделувањето на наградите Греми, каде Лејди Гага ја пееше песната „Moth into flame“ од нивниот нов албум.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје