Мета: Состојбата со Ковид-19 во Албанија е вон контрола
Албанскиот претседател Илир Мета оцени дека состојбата со пандемијата со Ковид-19 е вон контрола и ја повика Владата на премиерот Еди Рама да не си игра со здравјето на луѓето.
Според него освен пропаганда Владата нема нокаков план за почеток за масовна вакцинација на населението.
-Не се толерира секојдневно да се бројат само заразени и починати а да не се презема никаква мерка за се спречи ширењето на Ковид -19. Последните денови загрижувачки се бројките на новозаразени и починати, а се полнат и болниците. Апелирам до Владата да не ги третира граѓаните како бројки за дневна статистика, оставајќи ги на судбината. Секој албански граѓанин заслужува достоинствен третман, апелира Мета.
Тој побара од граѓаните да бидат повнимателни и строго да ги почитуваат мерките за заштита.
Неговата реакција доаѓа по континуираното зголемување на бројот на новозаразени и починати, кој вчера достигна нов негативен рекорд. Регистрирани беа 1.089 новозаразени и 15 починати, а зголемен е и бројот на хоспитализирани во четирите ковид болници.
Познати епидемиолози претходно апелираа до владата да почне преговори и со Кина и Русија за набавка на вакцини.
Според премиерот Рама во средина на месецов треба да пристигнат над 10 илјади вакцини од компанијата Фајзер.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање