Месиќ: Преспанскиот договор ќе овозможи евроатланска интеграција на Македонија
Преспанскиот договор би било подобро да беше постигнат порано бидејќи со тоа би се забрзал евроатланскиот пат на Република Македонија, а со тоа и нејзината поизвесна иднина. Меѓутоа одлична вест е дека е постигнат овој договор, кој е можеби најважниот договор по Втората светска војна во Европа, вели поранешниот претседател на Хрватска, Стипе Месиќ во интервју за албанскиот весник „Коха“.
Во интервјуто, Месиќ истакнува дека Преспанскиот договор сосема сигурно е договор кој ќе овозможи евроатлантска иднина на Македонија и на сите нејзини граѓани.
Во однос на албанскиот политички фактор во Македонија и неговата ангажираност во процесот на евроинтеграциите, Месиќ оценува дека Преспанскиот договор е постигнат со силна заложба, поддршка и содејство на албанскиот политички фактор во земјата.
– Со тоа албанскиот политички фактор покажа државотворност во време на турбуленции во самиот регион и уверен сум дека тоа е позитивно прифатено и оценето и во Македонија, но и во меѓународната заедница. Важно е дека албанската, но и сите етнички заедници во Македонија, својата иднина ја гледаат во полноправното членство прво во НАТО, а потоа и во ЕУ. Тоа е силен мотивирачки фактор за сите граѓани во Македонија, вели Месиќ.
Прашан дали се опасни идеите за размена на територии во време кога сите сили се насочени кон евроинтеграцијата на Балканот, Месиќ вели дека идеите за размена на територии и прекројување на границите треба засекогаш да престанат.
– Често истакнувам дека во овој регион во неодамнешното минато се водени четири војни за граници, а ниедна граница не е ниту за милиметар поместена. Мислам дека идеите за промена на границите и размена на територии се надминати и дека архитектурата на границите на овие простори е завршена со прогласувањето на независноста на Косово. Сега имаме свои држави во кои секоја етничка заедница може да живее во својот културен корпус, па така и Албанците кои живеат во Македонија, Албанија, Косово, Црна Гора, Србија или некаде на друго место. Имаме Хрвати, кои живеат во Хрватска, БиХ, Србија, Црна Гора, кои живеат во своите држави, но живеат и во своите културни корпуси. Така што треба засекогаш да престанат иницијативите за некакви прекројувања или корекции на државните граници. истакнува Месиќ во интервјуто дадена за „Коха“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово