Фудбал
4. December 2019 - 11:19

Меси: Секоја година имам можност да го променам клубот

Капитенот на Барселона, Лионел Меси можел да го напушти каталонскиот клуб во 2014 година, поради проблеми со даночните власти.

– Тоа беше од причина што не беше поврзана со фудбалот. Поминав низ тежок период, но успеав да го надминам благодарение на поддршката на луѓето од клубот. Ова ми овозможи да продолжам да играм овде. Тогаш не се чувствував пријатно во Шпанија.
Постојано добивам понуди од други клубови. Секоја година имам можност да го сменам тимот. Неколку клубови ме чекаат, иако тие знаат што сакам. Ова е во случај еден ден да сакам да ја сменам ситуацијата, изјави Меси.

Аргентинецот пред три дена по шести пат ја освои„Златната топка“, награда која „Франс фудбал“ ја доделува на најдобриот фудбалер за годината што изминува.