Меси нема да игра на Копа Америка во својата Аргентина?!
Јужноамериканската фудбалска конфедерација (ЦОНМЕБОЛ) може да му додели на мега-ѕвездата на Барселона, Лионел Меси двегодишна суспензија по неговите коментари по црвениот картон кој го доби во мечот за трето место на Копа Америка против Чиле (кој Аргентина го доби со 2:1).
Меси ги обвини организаторите и судиите на Копа Америка дека се „корумпирани“, тврдејќи дека турнирот е „наместен“ за да победи Бразил. Тој одби да го прими медалот за трето место, откако прво го опиша судењето како „срање“ по елиминацијата од Бразил во полуфиналето.
Правилата на ЦОНМЕБОЛ велат дека не се дозвлени никакви навреди кон конфедерацијата, институциите и персоналот, и ако се почитуваат правилата Меси може да добие казна од две години со што не само што би ги пропуштил квалификациите за СП во 2022 во Катар, туку и Копа Америка 2020, која се оддржува во Колумбија и Аргентина.
ЦОНМЕБОЛ веднаш реагираше со соопштение велејќи дека коментарите на Аргентинецот се „неприфатливи“.
„Тие обвинувања покажуваат недостаток на почит кон натпреварувањето, сите фудбалери кои се вклучени и стотината професионалци во ЦОНМЕБОЛ, институција која работи на развојот на јужноамериканскиот фудбал“, се вели во реакцијата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање