Мерките за бесплатна бања и викенд ќе ги користат 52 пензионери од Ресен
Вкупно 52 пензионери од Ресен ќе ги користат поволностите од владините проекти за бесплатна бањско-климатска рекреација и бесплатен туристички викенд, информира раководителот на подрачната единица на Фондот за пензиско и инвалидско осигурување Науме Попевски.
За 16 пензионери бил одобрен бесплатен викенд, кој ќе се реализира на 4 март во Отешево, додека за бањско-климатска рекреација одобрени се 36 барања, кои ќе се спроведат во две смени, од 2 до 8 и од 8 до 14 април во Дебарски бањи.
До ресенската канцеларија на ПИОМ, според Попевски, биле доставени над 65 барања, од кои некои аплицирале за двете услуги, а некои овие поволности ги користеле минатата година.
- Приоритет во изборот за користење на услугите за бесплатни туристички викенд и бањско-климатска рекреација беа пензионерите со пониска пензија, подолг стаж и оние кои досега не го искористиле ова право. Годинава беа доставени над 65 барања за користење на овие мерки, но некои имаа апликации за двете услуги, а некои беа лани, па затоа правевме селекција, изјави Попевски.
На подрачјето на општина Ресен регистрирани се околу 2.800 пензионери.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка