Меркел со поддршка за „ЕУ со две брзини“
Германската канцеларка Ангела Меркел е меѓу европските лидери кои не ја исклучуваат идејата за „Европска Унија во две брзини“, што би значело дека во Унијата би можеле да функционираат различни нивоа на интеграција меѓу земјите членки.
Како што јави дописникот на МИА од Берлин, Меркел за време на средба со францускиот претседател Франсоа Оланд, шпанскиот премиер Маријано Рахој и италијанскиот премиер Паоло Џентилиони, изјавила дека некои земји членки треба да имаат храброст за да одат напред, доколку другите не сакаат да учествуваат во некои проекти.
- Европа со различни брзини е неопходна инаку веројатно ќе се најдеме заглавени. Ако Европа заглави и не се развива понатаму, тогаш овој процес може да влезе во опасност многу побрзо од што можете да замислите, изјави Меркел во Версај на мини европскиот самит на кој во пресрет на ЕУ самитот в петок се разговарало за подлабока соработка во Унијата, но и за можноста земјите членки да учествуваат само во одредени проекти кои им одговараат.
Според францускиот претседател Оланд, „единството не значи униформност“, а за идејата за различно ниво на интеграција во ЕУ согласни се и Шпанија и Италија, чиј премиер Џентилиони се залага за поголемо единство кое дозволува различно ниво на интеграција.
Оваа позиција за четирите европски држави е логична и поради фактот што Европската Комисија и сега прифаќа и финансира проекти што не ги вклучуваат сите земји членки во исто време.
Како примери за „Европа во две брзини“ најчесто се споменуваат Шенген зоната, во која учествуваат 22 членки на ЕУ и четири држави кои не се дел од Унијата, како и Еврозоната во која партиципираат 19 од 28 земји членки на ЕУ.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања